Moj gornoślonski ôbrozek z romkom, ale niyôszklony

Dwujynzyczno ksionżka od Petra Bienia "Moj gornoślonski ôbrozek z romkom ale niyôszklony - Mein oberschlesisches Bild mit Rahmen aber nicht verglast".

Kożdy z nos se kajś urodzioł i mo swoja hajmat. Jo se urodzioł i wychowoł na Gornym Ślonsku, skond cołko moja familijo sie wywodzi. Historyjo tego rejonu je moc skomplikowano i dynamiczno. Moc ludzi, kery se stond wywodzom, tak na prowda majom problymy pedzieć kim som i za kogo sie miyniom. Kożdy sam musi szukać swojij idyntyfikacyje. Jo tyn proces szukanio mojij idyntyfikacyje - w tym colućkim miszongu roztomajtych kultur, godek i historyjow - som zych doświadczoł.
- ze wstympu